Фондација Никола Јанчев

Фондацијата “Никола Јанчев“ е основана на 14.02.2018 година. Основач е г-дин Митко Јанчев, актуелен Градоначалник на Општина Кавадарци. Фондацијата има една единствена цел, да им се помага на луѓето преку хуманитарни активности.

Визија со која чекориме напред е Општина Кавадарци да прерасне во хумана заедница во која секој на секого му помага, заедница во која жителите ќе се третираат со респект, љубезност и почитување.

            Мисијата на Фондацијата е “Поддршка и помагање на луѓе од Општина Кавадарци на кои им е неопходна помош”.

           Стратешка цел на Фондацијата е:

Хуманитарни активности преку собирање средства и нивно насочување кон одредени сегменти во општеството кои се од интерес за пошироката јавност, како што се образование, животна средина и спорт како и едукација на млади од секоја област.

           Фондацијата ќе ги реализира следниве активности:

 

• Подршка на талентирани студенти од Општина Кавадарци.
• Помагање и подршка на лица кои им е неопходно здравствено лекување .
• Помагање на лица кои потекнуваат од фамилии со социјален статус во Оштина Кавадарци.
• Подршка и потикнување на хуманитарни активности во Општина Кавадарци.
• Организирање на хуманитарни настани во Општина Кавадарци.
• Подршка на талентирани ученици и студенти од Општина Кавадарци.
• Подобрување на животниот стандард на социјално загрозени семејства кои се погодени од елементарни незгоди (пожар, поплава) од Општина Кавадарци.
• Подршка и помагање на деца без родители од Општина Кавадарци.
• Подобрување на животот на лица со пречки во развојот од Општина Кавадарци.
• Подобрување на животот на стари и изнемоштени лица од Општина Кавадарци.

 

    Хуманоста нека ни биде водилка која ќе ја води Општина Кавадарци напред кон човечките вредности кои го прават човекот богат.